ЖЕЛАРГЫ КӨРҮСТӨНҮ
ЖЕЛАРГЫ КӨРҮСТӨНҮ – эрте темир дооруна таандык 22 көрүстөндөн турган археол. эстелик. Бишкек-Балыкчы жолунун 108 кминде, Чүй суусунун сол тарабында жайгашкан. 1974-ж. археолог В. П. Мокрынин изилдеген. Үч көрүстөндө маркумдардын сөөктөрү ички дубалы таш м-н кыналган чуңкур көрлөргө, калганы жөнөкөй көрлөргө коюлган. Сөөктөрдүн жанынан карапа идиштер, акак шурулар, коло күзгү ж-а бычактар табылган. Маркумдардын антропол. түзүлүшүндө европеоиддик да, монголоиддик да белгилер бар.