ЖЕНЕВА КӨЛҮ
ЖЕНЕ́ВА КӨЛҮ , Л е м а н (кельт тилинде gеnа – чат, дарыя чаты) Швейцария м-н Франциянын аймагында, Батыш Альп ж-а Юра тоолорунун аралыгындагы өрөөндө деңиз деңг. 372 м бийикте жайгашкан. Аянты 582 км2, уз. 72 км, тереңд. 310 мге чейин. Жээгинин көп бөлүгү бийик, тик. Ж. к. аркылуу Рона д. агып өтөт. Кеме жүрөт. Жээгинде Женева, Лозанна ш. (Швейцария) орун алган. Климаттык ж-а бальнеол. курорттору: Веве, Монтрё (Швейцария), Эвьян-ле-Бен (Франция) ж. б., туризм өнүккөн.