ЖЕҢИШ ЧОКУСУ
ЖЕҢИШ ЧОКУСУ – Теңир-Тоодогу, о. эле Кырг-ндын аймагындагы эң бийик чоку. Какшаал тоо тизмегиндеги Чоң Ак-Тоо тоосунда
жайгашкан. Бийикт. 7439 м. Чоку бүт кар, мөңгү м-н капталган. Төбөсү тайпак, плато сымал. Негизинен силурдун сланец тектеринен турат. Бийикт. 1943-ж. аскер топографтары тарабынан аныкталып, Сов. Армиянын фашисттик Германияны жеңишинин урматына аталган. Чокуга алгачкы жолу 1956-ж. 30-августта В. Абалаков жетектеген сов. альпинисттер чыккан.