ЖИГУЛИ
ЖИГУЛИ , Ж е г у л и – Волга д-нын оң жээгиндеги тоо. Самара Жебеси деп аталган имерилиште. Волга бою дөңсөөсүнүн бир бөлүгү. Уз. 75 кмдей, бийикт. 375 мге чейин. Волгага караган капталы тик, жардуу, коо-колоттор көп. Негизинен палеозой ж-а мезозойдун акиташ, доломит тектеринен турат. Түн. капталында жазы жалбырактуу ж-а мырза карагай токою, түштүгүндө токойлуу талаа өсүмдүктөрү өсөт. Нефть кени бар. Ж-ге жакын Волга ГЭСи курулган. Туризм өнүккөн.