ЖУНУШБАЕВ
ЖУНУШБАЕВ Абдрашит [1920, Калинин (азыркы Жайыл) р-ну, Сары-Коо кыш. – 1994, Бишкек] – топурак таануучу, география илимд. доктору (1973). К. И. Скрябин атн. КАЧИни 1952-ж. бүтүргөн. 1956-жылдан Кырг-н топурак таануу ИИИде топуракты эрозиядан сактоо бөлүмүн башкарган. «Кыргыз ССРнин топурактары» деген көлөмдүү монографияга авторлош. Кыргыз ССРнин топурактарынын, Кырг-ндагы топурак эрозиясынын карталарын түзүүгө катышкан. Ж. 120дан ашык ил. эмгектин (а. и. 6 монография, 12 брошюра ж-а буклет) автору. Улуу Ата Мекендик согуштун катышуучусу. Кызыл Туу, 1-даражадагы Ата Мекендик согуш, Александр Невский ордендери ж-а медалдар м-н сыйланган.