ЖЫЛКЫ ТЕКЕЙ

ЖЫЛКЫ ТЕКЕЙ (Tragopogon) – өсүмдүктөрдүн татаал гүлдүүлөр тукумундагы уруусу. Эки же көп жылдык чөп. Тамыры тик ылдый өсөт.
Жалбырагы тасмадай же ичке, сүйрү, жээктери тегиз же чала оюктуу. Гүлү сары, кызгылт же күлгүн кызыл. Ев­разияда ж-а Түн. Африкада 100–150 түрү өсөт. Жер Ортолук деңизде өсүү­чү Ж. т. жашылча катары желет. Кырг-нда 13 түрү, бөксө тоолордо, шал­баада, боздоңдо кездешет. Баалуу тоют, балдуу өсүмдүк. Анын айрым түрү тамак-ашка пайдаланылат.