ЗАГРОС
ЗАГРО́С – Ирандагы тоо тутуму, Иран тайпак тоосунун түш.-батышында. Уз. 1600 кмдей, туурасы 200–300 км, бийикт. 4548 мге чейин (Зердкух чокусу). Негизинен акиташ ж-а сланец тоотектеринен түзүлгөн. Түн.-батыштан түш.-чыгышка карай жарыш созулган бир нече тоо тизмегинен турат. Алар кууш өрөөндөр м-н бөлүнгөн. Карст кубулушу өөрчүгөн. Тоолуу чөл өсүмдүктөрү, түн.-батышын бадал ж-а сейрек токой ээлейт, өрөөндөрүндө шор жерлер, көл бар. Нефть кендери ачылган.