ЗЫЯРАТ
ЗЫЯРАТ (ар. зийара – баруу) – исламда тилек кылуу (бала, ден соолук тилөө ж. б.), күнөөдөн арылуу, сооп табуу үчүн ыйык жайларга атайын барып сыйынуу. Пайгамбарлардын, машайыктардын ысмына байланышкан жерлерге, мазарларга, атактуу адамдардын бейиттерине ж. б. ыйык жайларга табынышат. З-чылыктын эң маанилүүсү – ажылыкка баруу. Кыргыздарда Сулайман-Тоо, Манастын күмбөзү сыяктуу жайларга З. кылуу салтка айланган.