ИГРАЖАРТ
ИГРАЖАРТ , И р г а ж а р т – тарыхый топоним; Борб. Теңир-Тоонун 10-к-дагы аты. «Китаб Худуд ал-Алам мин ал-Машрик илал-Магриб« («Ааламдын чыгыштан батышка чейинки чек аралары тууралуу китеп») деген фарсы тилиндеги тарыхый-геогр. эмгекте (982–983-ж. белгисиз автор жазган) И. тоолору йагмалардын өлкөсүндө жайгашып, андан Иле д. башталары, ал тоолордо жайы-кышы кар кетпей, бугу ж. б. айбанаттардын көптүгү, бугунун мүйүзү ушул аймактан туш тарапка тараганы ж-дө жазылган.