ИДЕЯ
ИДЕ́Я а д а б и я т т а а н у у д а – жазуучунун же акындын көркөм чыгармада берейин деген ой-максаты. Көркөм чыгарманын И-сы образдар системасынын бирдигинде берилет. Жазуучу өз чыгармасында белгилүү бир маселелерди ортого коюу м-н чектелбестен, өзүнүн идеалы катары анын чечилишин берет, мамилесин билдирет, баалайт. Мис., Ч. Айтматовдун «Атадан калган туяк» аңгемесинин И-сы – алыстагы согуш апаатынын атасын таптакыр көрбөгөн ооруктагы балага тийгизген таасири.