ИЗМАЙЛОВ
ИЗМА́ЙЛОВ Азиз Эминович (28. 12. 1913, Крым обл., Евпатория ш. – 8. 2. 2004, Бишкек) – педагог-окумуштуу, педагогика илимд. доктору (1959), СССР ПИАнын анык мүчөсү (1967), Кыргыз ССР ИАнын академиги (1968), Кыргыз ССРинин илимге эмг. сиң. ишмери (1974).
СССР Педагогика ИАнын Н. К. Крупская атн. сыйл. лауреаты (1974). Москвадагы Н. К. Крупская атн. Коммунисттик тарбия академиясын бүтүрүп (1934), РСФСР эл агартуу комиссариатынын жолдомосу м-н Кырг-нга келген, Кыргыз педагогика ИИИнин директору болгон (1955–81). И. кыргыз педагогика илиминин өнүгүшүнө чоң салым кошкон. 260тан ашуун ил. эмгектин автору. Октябрь Революциясы, үч Эмгек Кызыл Туу, Кызыл Жылдыз ордендери ж-а медалдар м-н сыйланган.
Эмг.: К вопросу об изучении обобщения и распространения передового педагогического опыта. Ф., 1952; Мектепте кесип тандоого багыт берүү. Ф., 1965; Просвещение в республиках советского Востока. Ф., 1973; Изучение развития культуры народов Средней Азии и Казахстана в курсе истории СССР (в 8–10 классах). Ф., 1986.