ИЛИМДЕР АКАДЕМИЯСЫ КЫРКА ТООСУ
ИЛИМДЕР АКАДЕМИЯСЫ КЫРКА ТООСУ Памирде меридиан багытында созулуп жатат. Уз. 110 кмдей. Эң бийик жери 7495 м (Коммунизм чокусу). Палеозойдун чөкмө ж-а метаморфизмделген тоо тектеринен, чанда граниттен турат. Кыр жагына альп рельефи мүнөздүү. Мөңгүлөрүнүн жалпы аянты 660 км2ге жетет. Ири мөңгүлөрү Федченко, Гармо ж. б. Ландшафты гляциалдык-нивалдык ж-а субнивалдык. Кырка тоону Н. Л. Корженевский алгачкы жолу изилдеген. 1927-ж. СССР ИАнын наамынан аталган.