ЖАЗГАК
ЖАЗГАК – Жалал-Абад облусунун Ноокен районундагы кыштак. Момбеков атындагы айыл округуна караштуу. Бишкек – Ош автомобиль жолунун боюнда, деңиз деңгээлинен 620 м бийиктикте жайгашкан. Райондун борбору Масы кыштагынан 23 км батыш тарапта. Шамалды-Сай темир жол бекетинен 55 км. Кыштак 1963-жылы негизделген. Калкы 3238 (2022); негизинен талаачылыкта эмгектенет. Негизги мектеп, ФАП, тегирмен бар.