ЖИРАРДО
ЖИРАРДО Анни (25. 10. 1931-жылы туулган, Париж шаары) – француз актрисасы. 1954-жылы Париж консерваториясын бүтүргөн. «Комеди Франсез» жана башка театрларда иштеген. 1956-жылдан кинодо. Жирардонун чыгармачылыгында белгилүү ролдордун бири – «Рокко жана анын бир туугандары» (режиссёру Л. Висконти, 1960) тасмасынан Надянын ролу болгон. «Манхэттендеги үч бөлмө» (1965, Венеция ЭКФ сыйлыгы), «Сүйүүдөн каза табуу» (1971), «Отсуз түтүн чыкпайт» (1973) жана башка тасмаларда сыймыктуу жана күчтүү, чечкиндүү, өз тагдырын өзү чечкен аялдардын образын түзгөн. «Кара далы кыз» (1972, Батыш Берлин ЭКФ сыйлыгы), «Сантьягодогу жаан» (1975, Франция – БЭР), «Шектенүү» (1974, Италия) жана башка тасмаларда көрүнүктүү ролдорду ойногон. «Реванш», «Доктор Франсуаза Гайан» (1981), «Пианистка» (2001) жана башка тасмаларга тартылган.