ЖАКШЫЛЫК
ЖАКШЫЛЫК Сарык уулу (1880, азыркы Ысык- Көл облусу, Түп району, Шаты айылы – 1934, ошол эле жер) – семетейчи. Өмүрү ж-а чыгармачылыгы жөнүндө жазылып калган материал жок. Эл ичинде «Кара ырчы» деген ат м-н таанымал болгон. 1929-жылы Х. Карасаев, Б. Жаркынбаев ж-а О. Мамырканов Жакшылыктын айтуусунда «Семетей» м-н «Сейтекти» жазып алышкан. Ал кол жазма 12 китепче (дептер) болуп, КР УИАнын кол жазмалар фондусунда сакталып турат. Жакшылыктын «Семетейинде» жалпы сюжеттик нук сакталган, Канчоро м-н Күлчоронун образдары С. Каралаев, Тоголок Молдо, Шапак Рысменде уулу сыяктуу манасчылардын варианттарынан өзгөчөлөнүп турат. Жакшылыктын «Жылдыз» аттуу поэмасы эл арасына кеңири тараган.
Ад.: Кыргыз адабиятынын тарыхы. II т. Б., 2002.