ЖАКШЫЛЫК (Араван районундагы кыштак)
ЖАКШЫЛЫК – Ош облусунун Араван районундагы кыштак. Чек-Абат айыл округуна караштуу. Деңиз деңгээлинен 680 м бийикте жайгашкан. Райондун борбору Араван кыштагынан 5 км батыш тарапта, Ош темир жол бекетинен 35 км. Кыштак 1955-жылы негизделген. Калкы 2254 (2022); негизинен пахтачылыкта эмгектенет. Орто мектеп, кесиптик окуу жайы, маданият үйү бар. Турмуш-тиричилик кызматынын бөлүмдөрү, ФАП иштейт.