ЖОЛУМ ҮЙ
ЖОЛУМ ҮЙ – абдан кичине жеңил боз үй. Ал үч канат керегеден, ага жараша ууктан, түндүктөн турат. Айрым жерде жол үй кереге, түндүксүз эле ууктан узунураак таяктардын бир учу жерге сайылып, түндүк ордуна бир кулач ичкерээк талдын эки башы бириктирилип, көк менен байланып тигилет. Ал түндүк сымал тегерек талдын арасы баштан аяк сызма же жоондугу сөөмөйдөй кыл жип менен ачык оролот. Жерге сайылган таякчалардын экинчи учу оролгон жиптерге киргизилип, үстүнө эски үзүк же таар жабылат. Жолум үйдү мурда жылкычы, койчу, жоокер, соодагерлер урунган. Учурда жолум үйдүн ордуна чатыр кеңири колдонулат.