ЖУМАБАЕВ 3
ЖУМАБАЕВ Асек (9. 5. 1924-жылы туулган‚ Нарын облусу‚ Нарын району‚ Байказак айылы – 27. 8. 2005-жыл, Бишкек шаары) – ырчы, Кыргыз CCР эл артисти (1964). 1941– 1945-жылдары колхоздо эсепчи‚ 1943–1948-жылдары Нарын жана Ысык-Көл облустук драма театрларында артист‚ 1949-жылдан Кыргыз академиялык опера жана балет театрынын солисти болгон.
Аткарган ролдору: Күлчоро (А. Малдыбаев‚ В. Власов‚ В. Фере‚ «Айчүрөк »)‚ Шеге (Е. Брусиловский‚ «К ыз Жибек »)‚ Калыбек (А. Малдыбаев‚ В. Власов‚ В. Фере‚ «Алтын кыз»)‚ Маркабай (Н. Давлесов‚ «Аста-секин‚ колукту») жана башкалар. Киного да тартылган (Арзымат, «Токтогул» кино тасмасы). А. Жумабаев – элдик ырларды чебер аткарган‚ Калмурат‚ Cыртбай‚ Атай‚ Муса сыяктуу обончулардын өнөрүн уланткан. Дүйнөнүн көп өлкөлөрүндө гастролдо болгон. Бүткүл дүйнөлүк студенттер менен жаштардын Варшавада өткөн 5-фестивалынын (1955) лауреаты. Эмгек Кызыл Туу ордени жана медалдар менен сыйланган.