ЖУНУСАЛЫ
ЖУНУСАЛЫ Куттубай уулу (1861‚ Талас өрөөнү – 1961-жыл‚ ошол эле жер) – сурнайчы. Ал кичинесинен эле ыр-күүгө шыктуу чоңойгон. Кийин эс тартканда Талас өрөөнүнүн жогорку аймагынан чыккан атактуу сурнайчы Тайгожо менен таанышып‚ андан таалим алган.
«Cалтанат»‚ «Эл дүрбөдү»‚ «Эр сайыш»‚ «Таң атат»‚ «Зулайка» сыяктуу күүлөрдү чыгарган. 1939-жылы Москвада өткөн кыргыз искусствосу менен адабиятынын он күндүгүнө катышып‚ «Ак токту» аттуу сурнай күүсүн мыкты аткарган. Белгилүү чыгармалары: «Колхоз шаңы»‚ «Кош кайрык»‚ «Cурнай күү»‚ «Жеңиш» жана башкалар. Медаль менен сыйланган.