ЖАМАНКУЛОВА
ЖАМАНКУЛОВА Гүлбүбү (1927‚ азыркы Талас району‚ Кеңкол айылы – 7. 7. 2007, Бишкек) – экономика илимдеринин доктору (1971)‚ профессор (1974)‚
Кыргыз ССР ИАнын корреспондент-мүчөсү (1984)‚ Кыргыз ССРинин эмгек сиңирген мугалими (1980). Экономика теориясы боюнча адис. Кыргыз мамлекеттик педагогика институтун (1954)‚ КПСC БКнын алдындагы жогорку партиялык мектепти (1961)‚ КПСС БКга караштуу коомдук илимдер академиясын (1963) бүткөн. Комсомолдук иштерде иштеген (1951–58)‚ Кыргыз CCР элге билим берүү министринин орун басары (1958–59)‚ 1963-жылдан ФПИ-нин саясий экономия кафедрасынын башчысы болгон. 100дөн ашуун илимий эмгектин‚ анын ичинде 5 монографиянын‚ окуу китептеринин автору. Ленин ордени, «Даңк» (2000) ж. б. медалдар м-н сыйланган.
Эмг.: Технический прогресс и всестороннее развитие рабочих. Ф.‚ 1961; Cоциально-экономическое преобразование Киргизии и пути его дальнейшего развития. Ф.‚ 1969.