ГРУЗИН ТИЛИ

ГРУ́ЗИН ТИЛИ – грузиндердин тили. Г. т. иберн-кавказ тилдеринин картвел тобуна кирет. Ал Кавказ тилдеринин ичинен эӊ байыркы жазмасы бар тил. Картли, кахети, пшав, хевсур, түш. ж. б. диалектилерге бөлүнөт. Адабий тили картли м-н кахети диалектилеринин негизинде өнүккөн. Тарыхый жагынан грузин адабий тили байыркы грузин (12-к-га чейин), жаӊы грузин (12-к-дан баштап) тили болуп бөлүнөт. Б. з. 5-к-нан берки жазма эстеликтери сакталган. Үнсүз тыбыштары көп, үндүүлөрү аз. Префикстер м-н суффикстер катар колдонулат. Граммат. жактары (род) жок. Баяндоочу көбүнчө сүйлөмдүн аягына келет.