«ИСКУССТВО ИСКУССТВО ҮЧҮН»
«ИСКУССТВО ИСКУССТВО ҮЧҮН» , «т а з а и ск у с с т в о» – көркөм чыг-лык (иск-во) коомдук турмуш м-н саясатка көз каранды болбой, көпчүлүк элдин мүдөөсү үчүн күрөшкө катышпай, жалаң гана абстракттуулук, сулуулук, турмушка байланышсыз көркөмдүк үчүн кызмат кылууга тийиш деген эстетикалык-теориялык көз караштын жалпы аты. 19-к-дын орто ченинде Францияда теория болуп түзүлгөн (Т. Готье, «Парнас» тобу). Биринчи жолу француз жазуучусу Б. Констандын күндөлүгүнө (1804; И. Канттын эстетикалык көз караштарга байланыштуу эскерүүсү): «Искусство искусство үчүн максатсыз, анткени ар кандай максат иск-вону бурмалайт» – деп жазган. Россияда 19-к-дын ортосунда «И. и. ү.» урааны иск-водогу «гоголдук багытка», б. а. социалдык-сынчыл багытка каршы коюлган (А. В. Дружинин, П. В. Анненков, В. П. Боткин). Көркөм чыг-лыктагы коомдук проблематиканы эсепке албоочулукка алып келген «И. и. ү.» идеясын орустун рев-ячыл демократтары ж-а ад-т таануу өкүлдөрү сынга алышкан.