ЖАРГОН
ЖАРГО́Н (фр. jargon – келжир сөз) – жалпы элдик тилден айырмаланган, кандайдыр бир социалдык же кесиптик топтун речине гана тиешелүү болгон өзгөчөлүктөрдүн (сөз маанилеринин, туюнтмалардын) жыйындысы. Белгилүү гана чөйрөлөр үчүн түшүнүктүү болгон шарттуу тил же жасалма сөздөр. Жаргондордо жалпы элдик тилдеги көпчүлүккө түшүнүктүү сөздөр м-н алмашылат. Мисалы, кыргызча «бөлкөнтай» – гонорар. Жаргон жеке адамдардын мүнөзүн ачуу үчүн көркөм адабиятта да, кээде бурмаланган, туура эмес айтылган сөздөрдү белгилөөдө да колдонулат.