ЖАРМА-САЙ ДОЛОМИТ КЕНИ
ЖАРМА-САЙ ДОЛОМИ́Т КЕНИ Баткен облусунун Лейлек районунда, Сүлүктү шаарынан 3 км түштүк-батышта, деңиз деңгээлинен 1205–1325 м бийикте жайгашкан. 1949–72-жылдарда чалгындоо иштери жүргүзүлгөн. Кен аймагы палеозой заманындагы доломит тектеринен турат. Доломитти кара металлургия, кээ бир түрүн химия, кагаз ж-а айнек өнөр жайында пайдаланууга болот. С1 категориясы боюнча запасы 993,4 миң м3.