ИЧКИ ТРОПИКТИК КОНВЕРГЕНЦИЯ ЗОНАСЫ
ИЧКИ ТРОПИКТИК КОНВЕРГЕНЦИЯ ЗОНАСЫ – Түн. ж-а Түш. жарым шарларда пассат шамалдарынын (же пассат м-н муссондун) кошулган жери, зонасы. Ал экваторго жакын (жылдын басымдуу мезгилинде экватордон бир нече градус түндүктө) жайгашып, жай мезгили келгенде жарым шарды карай (жүздөгөн кмге) сезон б-ча оошот. И. т. к. з-нын жазылыгы, экватордон алыс жайгашкан, кургактыкта жүздөгөн кмге кеңейип, океан бетинде ондогон кмге чейин кууштайт. Анда абанын жогорку темпрасы, төмөнкү атм. басым басымдуулук кылып, экватордук депрессияга жакын жайгашат. И. т. к. з-на сыдырым соккон шамал мүнөздүү, штиль болуп турат (жымжырт зона); айрым учурда абанын көтөрүлүү кыймылы, о. эле тол-
кун сымал таралган куюндар калың булуттуулукту ж-а кара нөшөрдү пайда кылат. Тропиктик циклондордун көбү ушул зонага жакын жаралат.