ИШЕНОВ Сагынбек
ИШЕНОВ Сагынбек (5. 4. 1934-ж. т., Чүй обл.,
Чүй р-ну, Бурана кыш.) – кино сүрөтчү, кинорежиссёр, КРдин эл. арт. (1992). 1961-ж. Бүткүл союздук кинематография ин-тун бүтүргөн. СССР кинематографисттер союзунун (1966), СССР сүрөтчүлөр союзунун (1967) мүчөсү.
«Кыргызфильм» киностудиясында тартылган «Бакайдын жайыты» (1966), «Уркуя» (1971), «Ташка баткан элестер» (1974), «Сыпайчы» (1976) көркөм фильмдеринин сүрөтчү-коюучусу. 1962-жылдан респ., бүткүл союздук ж-а эл аралык көргөзмөлөргө катышкан. 1967-ж. О. Азия респларынын ж-а Казакстандын фильмдеринин кароосунда «Бакайдын жайыты» фильми үчүн И. «Чоң тоо хрусталы» аттуу 1-байге, Франкфурт-на-Майнедеги эл аралык фестивалда Ардак диплом, Италиянын Триест ш-нда «Алтын альп бутагы» (1969) м-н сыйланган. 1970-ж. «Кыргызфильм» киностудиясында И. жетекте-
ген сүрөтчүлөр тобу кыргыздын туңгуч «Сандардын чатагы» анимациялык фильмин чыгарган. И-дун станоктук живопистеги: «Чоң салгылашуудан кийин» (1968), «Эркин-Тоо» (1969), «Алыскы айылга шам» (1971), «Узак жол» (1975), «Жаңы турмуш үчүн» (1977) ж. б. эмгектеринде рев-ялык-жарандык тематика курч берилген. «Кызыл өгүз, көк соко» аттуу сүрөтү Третьяков галереясында, о. эле живопистик чыгармалары Г. Айтиев атн. Кыргыз улуттук көркөм сүрөт иск-во музейинин фондунда сакталууда.