КАЙЫҢДЫ 2

КАЙЫҢДЫ – Борб. Теңир-Тоодогу суу, Сары- Жаздын сол куймасы. Ак-Суу р-нунун аймагын­да. Кан-Теңир тоо тоомунун түш.-батыш тара­бындагы Кайыңды мөңгүсүнөн башталып, Кайың­ды өрөөнү аркылуу батышка агат. Уз. 50 км, алабынын аянты 599 км², анын 158 км²ин мөңгү ж-а түбөлүк эрибеген кар ээлеп жатат. Алабы­нын орт. бийикт. 3800 м. Мөңгү, кар ж-а булак сууларынан куралат. Июль–август айларында агымдын жылдык көлөмүнүн 60–70%и агып өтөт, ноябрь–апрелде тартылат. Жылдык орт. чыгымы 10 м³/сек, эң көбү – 100 м³/сек, эң азы – 1,5 м³/сек. Негизги куймасы – Ат-Жай­лоо суусу.