КАЛЕ
КАЛЕ́ – Франциянын түндүгүндөгү шаар. Паде-Кале департаментинде. Калкы 72,9 миң (2008; шаар айланасы м-н 100 миң). Па-де-Кале кысыгынын жээгинде, Дувр (Британия) портунун тушунда жайгашкан. Порт (жылына 41,5 млн т жүк ташылат). Тез ылдамдыктагы т. ж. аркылуу Париж, Лондон ж-а Брюссель ш. м-н байланышат. Шаар 8-к-дан белгилүү. Шаардагы эмгекке жарамдуу калктын 68%и тейлөө чөйрөсүндө эмгектенет. Анын башкы секторлору: транспорт ж-а логистика. Текстиль, тигүү (а. и. тор токуу, аялдардын тигилүү көйнөгү ж. б.), электр-тех. (а. и. суу астында иштөөчү телекоммуникация ж-а электр кабелдери), хим., тамакаш ө. ж. ишканалары иштейт. Мэриянын коңгуроолуу имараты же «беффруа» (20-к-дын башы) Бүткүл дүйнөлүк мурастын тизмесине кирген. Кароол мунарасы (13-к.), Нотр-Дам чиркөөсү (13–15-к.), 17-к-дын фортификация курулуштары сакталган. Ун-т, музейлер бар.