ВАРИНЬОН ТЕОРЕМАСЫ

ВАРИНЬ́ОН ТЕОРЕМАСЫ – теор. механиканын берилген күчтөр системасынын моменти м-н ал күчтөрдүн теӊ салмактоочу күчүнүн моментинин арасындагы көз карандылыкты көрсөтүүчү теоремаларынын бири. Күч сызыгы бир чекитте кесилген күчтөрдүн системасы үчүн фр. окумуштуусу П. Вариньон 1687-ж. далилдеген. Теорема: эгерде берилген күчтөр системасы F теӊ салмактоочу күч Rге ээ болсо, анда теӊ салмактуулук күчү кандайдыр бир борбор чекити Ого (же окко) карата моменти M(R) берилген күчтөрдүн ушул эле борборго карата моменттеринин M₀(Fi) суммасына барабар, б. а.: M₀(R)=M₀(F_i). Бул теорема статиканын маселелеринде, курулуш механикасында ж. б. тармактарда кеӊири колдонулат.