ЖЭЭН

ЖЭЭН – кыргыздын салттуу туугандык жайын­да аялдын төркүнү тарап үчүн анын балдары­нын туугандык мамилесин билдирүүчү атоо. Жээндин аялы жээн келин, жээн кыздын күйөөсү жээн күйөө деп аталган. Жээн балдары жээнчер деп аталат. Салт боюнча жээн. бала бир тууган катары эсептелип, 3–4 ата өтө элек жакын таекелери­нен кыз албаган, жээн кыз андай жакын таекеле­рине турмушка чыккан эмес. Бул салт жээнчер­лерге карата колдонулбаган. Жээнге карата мами­лелер кыргыздын туугандык жайында өзгөчө орунду ээлеген. Адатта жээн. таекелерине келгенде өзүн эрке алып жүргөн, каалаган буюмун суроо­-сопкутсуз алып кетүүгө акылуу болгон. Жээндин салттуу коомдогу мындай абалы «Жээн эл болбойт, желке тон болбойт», «Жээн киргиче, жети бөрү кирсин» деген макалдарда көрсөтүлгөн.