ЖЕКЕ МЕНЧИК
ЖЕКЕ МЕНЧИК – жеке кишинин (үй-бүлөнүн) менчигинде турган киреше алуу объектине ээлик кылуунун‚ пайдалануунун ж-а тескөөнүн‚ башка жакка берүүнү же сатууну кошо алганда‚ бардык укуктарына ээ болгон менчик түрү. Жеке менчик өндүрүштүн учурдагы ыкмаларынын бардыгында пайда болушу ж-а өнүгүшү мүмкүн. Жеке менчиктин эки түрү бар: 1) жалданма эмгекке негизделген жеке менчик; 2) өз эмгегине негизделген (же үй-бүлө мүчөлөрүнүн эмгегине негизделген) жеке менчик. Айрым индивиддердин (үй-бүлөлөрдүн) менчигинин объектилери өндүрүш каражаттары‚ керектөө буюмдары‚ акча каражаттары‚ баалуу кагаздар ж. б. болушу мүмкүн. Азыркы учурда КРде жеке менчик мыйзам актылары м-н бекитилген.