ЖЕР-КАЗАР
ЖЕР-КАЗАР – Чүй облусунун Ысык-Ата районундагы кыштак. Узун-Кыр айыл округуна караштуу. Деңиз деңгээлинен 670 м бийикте жайгашкан. Райондун борбору ж-а темир жол бекети Кант шаарынан 18 км түндүк-батыш тарапта. Кыштак 1923-жылы отурукташкан. Калкы 1318 (2022); негизинен дыйканчылыкта эмгектенет. Орто мектеп, китепкана, клуб, стадион, турмуш-тиричилик комбинатынын бөлүмдөрү, соода түйүндөрү иштейт. Кыштакта Социалисттик Эмгектин Баатыры К. Айдарбеков туулган.