ЖЫЛДЫЗЧА ТАРМАК
ЖЫЛДЫЗЧА ТАРМАК – борбордук компьютер м-н байланышкан бир же андан көп терминал же кичине компьютер. Ал жылдызча түрүндө туташтырылат. Жылдызча түзүлмөлүү тармакта борбордук компьютер м-н тармак компьютери эки чекиттүү зым кермелер м-н байланышат. Жылдызча түзүлмөлүү көп тармактар эки ж-а көп чекиттүү зым кермелерди да камтышы мүмкүн. Жылдызча тармак конфигурациясында терминалдардан киргизилген берилиштердин бардыгы көп учурда борбордук компьютерде сакталат. Авиабилет сатуу тармагы ушуга мисал болот.