ЖОЛИО-КЮРИ Фредерик
ЖОЛИО́-КЮРИ Фредерик (19. 3. 1900, Париж – 14. 8. 1958, ошол жер) – француз физиги, коомдук ишмер. СССР ИАнын чет элдик мүчөсү (1949;
корреспендент-мүчө, 1947). 1923-жылы физика ж-а колдонмо химия мектебин бүтүрүп, М. Склодовская-Кюринин лабораториясында иштеген. 1937-жылы улуттук илим-изилдөө борборунда атомдук синтез боюнча лабораторияны башкарган. 1946–50-жылдарда Францияда атом энергиясы боюнча комиссариатты түзүү ж-а башкаруу ишине жетекчилик кылган. 1956-жылдан Орск шаарындагы радий институнун лабориясын ж-а ядролук физика институтун башкарган. 1928-жылдан Жолио-Кюри атом ядросунун физикасы боюнча иштеген. 1934-жылы жубайы Ирен Жолио-Кюри м-н бирге радиоактивдүүлүктүн жаңы түрүн – позитрондук радиоактивдүүлүктү ачкан. Тынчтыктын бүткүл дүйнөлүк советинин төрагасы (1950–58). Жолио-Кюри «Элдердин ортосунда тынчтыкты чыңдагандыгы үчүн» Эл аралык Лениндик сыйллыктын лауреаты (1951).
Ад.: Фредерик Жолио-Кюри – выдающийся учёный, пламенный борец за мир // «Успехи физических наук». 1950. Т. 41, Вып. 3; Шаскольская М. П. Жолио-Кюри. М., 1966.