ЖУМАБАЕВ Жамалгазы
ЖУМАБАЕВ Жамалгазы (8. 10. 1942-жылы туулган, Нарын облусу, Кочкор району, Чолпон айылы) – экономика илимдеринин доктору (2005), КР айыл чарбасына эмгек сиңирген кызматкер (1998). Айыл чарбасынын экономикалык натыйжалуулугу ж-а агрардык экономиканын трансформациялык мезгилдеги проблемалары боюнча адис. КАЧИни (1965), Бүткүл союздук айыл чарба экономикасы ИИИнин аспирантурасын (1982) бүткөн. Совхоздо башкы экономист (1965–70), КРдин айыл ж-а суу чарба министрлигинде башкы адис, бөлүмдүн, башкы башкармалыктын башчысы (1970–2007), 2007-жылдан бөлүм башчы. 30дан ашуун илимий эмгеги, анын ичинде 2 монографиясы жарык көргөн.
Эмг.: Экономическая эффективность сельского хозяйства в переходной экономике. Б., 2004; Актуальные проблемы экономики сельского хозяйства. Б., 2005.