ЖУМАШОВ
ЖУМАШОВ Жолон [1943, Талас облусу, Ленинполь (азыркы Бакай-Ата) району, Покровка айылы – 29. 1. 2000, Боо-Терек айылы] – генерал-майор (1998). Ташкент жогорку аскердик командалык окуу жайын (1965), Москвадагы М. В. Фрунзе атындагы аскер академиясын (1981) бүтүргөн. 1965–69-жылдарда Закавказье аскер округунда, 1976–77-жылдарда Кыргыз ССР Куралдуу Күчтөрүнүн аскер бөлүктөрүндө кызмат өтөгөн. 1978–89-жылдарда Фрунзе шаарындагы Ленин райондук аскер комиссариатында 1-бөлүмчөсүнүн башчысы – аскер
комиссарынын орун басары, 1989–90-жылдарда Кыргыз ССР ИАнын бийик тоо физиологиясы ж-а эксперименттик патология институтунун директорунун жалпы маселелер боюнча орун басары, 1990– 94-жылдарда Кыргыз тамак-аш өнөр жайында чарбалык бөлүмдүн башчысы, 1994–99-жылдарда КРдин Куралдуу Күчтөрүнүн аткычтар, мотоаткычтар бөлүгүндө взвод, рота командири, батальондун командиринин орун басары, Ош облустук аскер гарнизонунун башчысы, 1999–2000-жылдарда Ош облусунун аскер комиссары болуп иштеген. Медалдар м-н сыйланган.