ЖУНГЛИ
ЖУ́НГЛИ (англ. jungle, хинди ж-а маратхи тилдеринде жангал – токой, чытырман токой) – бийик, катуу сабактуу чөп аралаш, жыш чыккан дарак-бадал өсүмдүктөрү. Лианалар м-н чырмалышкан дарактар ж-а чытырман бадалдуу токойлор да жунгли деп аталат. Жунглиге ротанг пальмасы, акациялар, чөп өсүмдүктөрүнөн – бийик өсүүчү дан өсүмдүктөрү (гигант бамбук, бал камыш, эриантус ж. б.) мүнөздүү. Жунгли Индиянын тропик же субтропик ным климаттуу ж-а саздуу жерлеринде – Ганг дарыясынын жээгинде, Гималай тоосунун этегинде, Индикытайда, Зонд аралында арбын учурайт.