ЖУТАКЕЕВ
ЖУТАКЕЕВ Абылкасым (1888, азыркы Нарын облусу, Нарын району, Жан-Булак айылы – 1933, Ат-Башы району, Ак-Жар айылы) – жазгыч акын, кыргыз адабиятын баштоочулардын бири. 13–14 жашынан ыр жаза баштаган. Алгачкы ырлары жетимчиликтин айынан көргөн кор-
дугу, тарткан азабы жөнүндө. 1920-жылы Алматы шаарында ачылган мугалимдер курсун бүтүрүп, 1923-жылы Ат-Башыда мугалим, 1923–31-жылдарда Нарын уездинде союз кошчунун төрагасы, Ак-Жар колхозунун башкармасы болуп иштеген. Чыгармаларында өзү күбө болгон эки доордогу кыргыз турмушун ырга кошкон. Анын «Үч доор» поэмасында кыргыз элинин Октябрь революциясына чейинки оор турмушу, «Кайткан элде» 1916-жылкы улуттук-боштондук күрөш сүрөттөлгөн. «Кайран эл», «Эркин Тоо», «Кеңеш өкмөтү», «Кесел кедейдин арманы» аттуу көркөм мурастары калды.