ЖЫЛУУ-СУУ

ЖЫЛУУ-СУУ , Ү ч - Э м ч е к – Тоң районундагы (Ички Теңир-Тоодо) суу. Нарын дарыясынын алабын­да. Узундугу 51 км, алабынын аянты 690 км². Тескей Ала-Тоонун түштүк капталына Үч-Эмчек тоосу кошулган жердеги мөңгүлөрдөн башталып, Бур­кан суусуна (Кичи Нарындын жогорку бөлүгү) куят. Алабынын 9,5%ин (жалпы аянты 65,8 км²) мөңгү ээлейт. Куймалары: Кашка-Суу, Ашуу-Суу ж. б. Чатына жакын Тешик-Көл (аян­ты 0,65 км²) жайгашкан. Ага жакын жерден жылуу кайнар булак чыгат. Жылуу-Суу июнда ки­рип, сентябрда тартылат. Жылдык орточо чыгы­мы 7,5 м³/сек. Өрөөнү Тоң ж-а Нарын райондору­нун малы үчүн жайыт.