ЗУЛПУКАРОВ Аманкул
ЗУЛПУКАРОВ Аманкул (21. 6. 1945-жылы туулган‚ Жалал-Абад облусу‚ Cузак району‚ Cаты айылы) – экономика илимдеринин доктору (2006)‚ эл чарбасын башкаруу боюнча адис.
КМУнун экономика факультетин (1969)‚ Ташкенттеги жогорку партиялык мектепти (1993) бүткөн. Зулпукаров 1969–94-жылдарда КРдин мамлекеттик статистика комитетинде экономист, бөлүм башчы, төраганын орун басары, төрага, 1994–98-жылдаарда Сузак райондук мамлекеттик администрация башчысынын орун басары, 1998-жылдан ЖАМУда кафедра башчысы‚ профессор, экономика ж-а укук институтунун директору‚ агрардык-экономикалык факультеттин деканы. 50гө жакын илимий эмгеги‚ анын ичинде 3 монографиясы жарык көргөн. Медалдар м-н сыйланган.
Эмг.: Аграрная реформа в Кыргызской Республике. Б. , 20 00; Социально-экономические проблемы аграрной реформы в Кыргызской Республике. Б., 2003; Формирования и развитие агробизнеса в условиях трансформирующейся экономики. Б., 2003.