ВАСИЛИЙ III ИВАНОВИЧ

ВАС́ИЛИЙ III ИВ́АНОВИЧ (23.3.1479, Москва – 4. 12.1533, ошол эле жерде) – 1505-жылдан Москванын улуу князы. Иван III Васильевич м-н византиялык акыркы императордун жээни – Софья Палеологдун уулу. Мамлекетти борбордоштуруу үчүн атасы Иван IIIнүн күрөшүн уланткан. Анын тушунда чачыранды орус эли биротоло бириккен. Ал Псковду (1510), Литва м-н согушта Смоленскини (1514), Рязань княздыгын (1521) кошуп алган, динчилерге таянып, оппозицияга каршы саясий күрөш жүргүзгөн, дворяндардын мүдөөсүн көздөп, алардын жер ээлөө укугун кеӊейткен. Анын тушунда орус мад-ты бир топ өнүккөн.