«ГОЛУБАЯ РОЗА»

«ГОЛУБА́Я РО́ЗА» – орус сүрөтчүлөрүнүн көркөм бирикмеси. Аты окшош көргөзмөдөн (1907, Москва, «Золотое руно» журналы уюштурган) аталышын алган. «Г. р-нын» чыгармачыл мүчөлөрүнө (Н. Н. Сапунов, С. Ю. Судейкин, А. В. Фонвизин ж. б.) ачык колориттеги декоративдүү композициялар, боёктордун күӊүрт айкалышы таандык. «Г. р-нын» кээ бир мүчөлөрү (Н. П. Крымов, П. В. Кузнецов, А. Т. Матвеев, М. С. Сарьян ж. б.) көркөм сүрөт иск-восунун чоӊ чеберлери болушкан.