ГОЛУБИН МӨӉГҮСҮ

ГОЛУ́БИН МӨӉГҮСҮ, Ж и н д и - С у у м ө ӊ г ү с ү – Кыргыз Ала-Тоосунун түн. капталындагы өрөөн тибиндеги мөӊгү. Уз. 5,5 км, туурасы 400–500 мден 1000 мге чейин. Аянты 9,4 км². Ала-Арча суусунун алабында. Кар чегинин бийикт. 3860 м. Мөӊгүнүн башы деӊиз деӊг. 4420 м, этеги 3400 м бийиктикте жайгашкан. Абляция облусунун аянты 2,6 км². Мөӊгүдөн Ала-Арча суусунун оӊ куймасы – Жинди-Суу башталат. Мөӊгү геолог В. Н. Голубиндин ысмынан аталган.