ГОНЧАРОВ

ГОНЧАРО́В Иван Александрович [6 (18). 6. 1812, Симбирск Россия империясы – 15 (27). 9. 1891, Санкт-Петербург] – орус жазуучусу, адабий сынчы, публицист, Санкт-Петербург ИАнын корр. мүчөсү (1860). Москва мамл. ун-тин бүтүргөн (1834). Г. орус ж-а дүйнөлүк ад-ттын тарыхында реалисттик көркөм прозанын чебери катары белгилүү. Г-дун В. Г. Белинский м-н (1846) таанышуусу демокр. көз карашынын өнүгүшүнө түрткү берген. «Демейдеги окуя» (1847), «Обломов» (1859), «Жар» (1869) романдарынын автору. «Обломов» романын Н. А. Добролюбов жогору баалаган. Жазуучунун калемине очерктер, адабий сын макалалар да таандык. Г-дун чыгармаларынын көбү кыргыз тилине которулган.
Чыг.: Собр. соч. Т. 1–6. М., 1959–60.
Ад.: Белинский В. Г. Взгляд на русскую литературу 1847 г.//Полн. собр. соч. T. 10. М., 1955; Добролюбов Н. А. Что такое обломовщина?//Собр. соч. Т. 2. М., 1952; Пруцков Н. И. Мастерство Гончарова – романиста. М.; Л., 1962.