ВЕЛОСИПЕД СПОРТУ

ВЕЛОСИПЕ́Д СПОРТУ – спорттун түрү. В. с-на шосседе же тректе жарышуу, велосипед кроссу, фигуралык жүрүш (велосипед м-н ойку-кайкы тебүү), велосипедчен топ ойноо (велобол) ж-а велотуризм б-ча мелдештер кирет. Алгачкы мелдеш 1869-ж. Францияда (Руан м-н Париж ортосунда, 120 км аралыкта), дүйнөнүн биринчилиги үчүн тректеги эӊ алгачкы жарыш 1893-ж. Чикагодо, шосседеги 1921-ж. Копенгагенде өткөрүлгөн. Велосипедчилердин Эл аралык союзу 1900-ж. Парижде түзүлгөн. В. с. Кыргыз Респ-сында 30-жылдан өнүгө баштаган. Кыргызстанда Э. Я. Лившиц, В. И. Лусников 1957-ж. биринчилерден болуп спорт чебери наамын алышкан. 20 спортчу эл аралык класстагы чебер наамына татыктуу болгон.