БУКАРА 1

БУКАРА – Чүй обл-нун Панфилов р-нундагы кыштак. Орто айыл округуна караштуу. Чоӊ Кайыӊды суусунун сол өйүзүндө, деӊиз деӊг. 946 м бийиктикте жайгашкан. Райондун борбору ж-а темир жол бекети Кайыӊды ш-нан 21 км түн.-чыгыш тарапта. 1929-ж. отурукташкан. Калкы 1067 (2009); мал чарбасында, дыйканчылыкта эмгектенет. Орто мектеп, клуб, китепкана, ФАП, турмуш-тиричилик комбинатынын бөлүмдөрү бар.