БУРМА-СУУ

БУРМА-СУУ – Ысык-Көл обл-нун Ак-Суу р-нундагы кыштак. Челпек айыл округуна караштуу. Каракол ж-а Ырдык сууларынын аралыгында, Тескей Ала-Тоонун этегиндеги түздүктө, деӊиз деӊг. 1775 м бийиктикте жайгашкан. Райондун борбору Каракол ш-нан 17 км. Балыкчы темир жол бекетинен 220 км. Калкы 1598 (2009); негизинен дыйканчылыкта эмгектенет. Орто мектеп, китепкана, үй-бүлөлүк дарыгерлер тобу, клуб бар.