БЮСТ

БЮСТ (фр. buste, лат. bustum – мүрзө үстүндөгү эстелик) – адамдын көөдөнүнөн жогору жагы тартылган жумуру скульптуралык портрет. Б. алгач Байыркы Египетте ж-а Байыркы Грекияда пайда болуп, Байыркы Римде калыптанган. Россияда Ф. И. Шубин, С. И. Гальберг, сов. доордо Н. А. Андреев, В. И. Мухина, Н. В. Томский ж. б-дын Б-тук чыгармалары белгилүү. Кырг-нда Т. Садыков, О. М. Мануйлованын иштери көпчүлүккө таанымал.