БОО-ТЕРЕК

БОО-ТЕРЕК – Талас обл-нун Бакай-Ата р-нундагы кыштак. Боо-Терек айыл округуна караштуу. Талас – Тараз автомобиль жолунун боюнда, деӊиз деӊг. 975 м бийиктикте жайгашкан. Райондун борбору Бакай-Ата кыш-нан 25 км түш.-батыш тарапта, Жамбыл темир жол бекетинен (Казакстан) 75 км. 1891-ж. отурукташкан. Калкы 4662 (2009); негизинен а. ч. ж-а мал чарбасында эмгектенет. Орто мектеп, кесиптик-тех. окуу жайы, оорукана, дарыкана, клуб, китепкана, спорт комплекси, универсал дүкөн, турмуш-тиричилик комбинатынын бөлүмдөрү бар. Улуу Ата Мекендик согушта курман болгондорго эстелик тургузулган.