БОРБОРДУК АЗИЯ ОЮНДАРЫ

БОРБОРДУК А́ЗИЯ ОЮНДАРЫ – Эл аралык Олимпия к-тинин колдоосу м-н өткөрүлүүчү оюндардын бири. Бул региондук оюндар О. Азия респ-ларынын ж-а Казакстандын катышуусу м-н спорттун 12 түрү б-ча (баскетбол, бокс, грек-рим күрөшү ж-а эркин күрөш ж. б.) өткөрүлөт. Мындай оюндарды өткөрүү үчүн атайын региондук уюштуруу к-ти түзүлөт. Б. А. о-нын биринчиси Ташкентте (1995), экинчиси Алматыда (1997), үчүнчүсү Бишкекте (1999), төртүнчүсү Ашхабадда (2003) өткөн. 2001-ж. Дүйшөмбүдө пландаштырылган оюн саясий себептер м-н болбой калган. Бул мелдештерге Кырг-ндан Т. Казиев (дзюдо), К. Андрюшин (сууда сүзүү), У. Калилов (грек-рим күрөшү) ж. б-лар катышып, байгелүү орундарга ээ болушкан.